Page 47 - AVP
P. 47
Sra Arends-Reyes a haci diferente pregunta na Minister y a aplaudi e hecho cu diferente
grupo a tuma e curashi y sali na vanguardia di nos muchanan y tambe nan trabou diario.
A puntra Minister Lampe si e carta fecha 22 di november 2018 di DPS na Bureau
Traimerdia lo wordo ingetrokken pa pone un paro na locual t’e decisionnan cu Minister a
tuma pa corta den e oranan di e centrum leiders. Den e mesun carta aki ta bisa
literalmente pa maestronan cu ta trahando na skolnan di Traimerdia cuminsa busca un
otro actividad banda di nan trabou y no conta riba Traimerdia.
Y tambe den e carta fecha di 22 di november ta papia dia ‘budgetaire realiteit’ y
‘schaarste’ y a puntra Minister si ta berdad ta cortando pisa den e cartera di Enseñansa.
Tambe a puntra Minister Rudy Lampe, si por duna un lista di e skolnan cu lo muda pa
schooljaar 2019-2020.
E tema di mudamento ta uno cu ta causando hopi incertidumbre den enseñansa, e falta di
informacion tocante e topico aki.
Tambe a puntra Minister si ta berdad cu Colegio San Nicolas no lo conose VWO mas pa
otro aña escolar. Y si por a duna un update tocante MDC, pero Minister Rudy Lampe a
scoge pa contesta solamente cu e gruponan cu ta manifestando tin nan derecho y sra
Arends-Reyes ta spera esaki ta conta pa e grupo di MDC tambe y cu Colegio San Nicolas
no lo conoce VWO mas pa motibo cu Mon Plaisir lo bin cu un HAVO/VWO School, un
argumento masha fofo p’esaki.
Fuera di e contestanan aki no a ricibi mas informacion otro cu e Minister kier sigui cu su
cambionan. Manera p.e. cu esnan di SPO Santa Cruz no lo muda, pero no lo ricibi mas
mucha tampoco, kiermen a sera e skol tog. Un reunion cu a laga un sabor masha amargo
pa tur presente.
Parlamento a pidi Minister Armando Rudy Lampe pa pone su planan ‘on hold’ y awor
Minister kier hunga wega cu esaki y bisa den un entrevista cu e no sa specificamente kico
e mester pone on hold.
Fraccion di AVP tabata hopi specifico y concreto den kico mester pone on hold y a
entrega un peticion oficial na Minister pa para su planan tocante Traimerdia, MDC, SPO
