Page 4 - LOTTO DEC 7
P. 4
AWEMainta Diaranson, 7 December 2016 29
Despues di cinco luna intensivo
E campeonato e Domino a yega su final cu Noordstars
“Pizza Hut” Domino Team como e gran campeon
DIASABRA ultimo, e campeonato den e deporte di
Domino organisa pa Aruba Domino Bond a yega su gran
final. Mester bisa cu despues di cinco luna intensivo di
wega casi tur siman, a conoce esnan cu a triunfa den e
Campeonato 2016.
Na compleho di Riverplate na Playa Pabou a termina
e campeonato unda a conoce e gran ekipo ganado di
Domino 2016. Como e campeon e keda e ekipo di
Noordstars “Pizza Hut” Domino Team, mientras na di
dos luga a keda e legendario ekipo di Old Parr Domino
Team.
Na di tres luga nos a haya Ottley’s Domino Team y na
di 4 luga Xtreme Domino Team.
Presidente di Aruba Domino Bond, bou encargo di sra.
Soraida Boekhoudt, ta masha contento con e campe-
onato 2016 di Domino a transcuri y na mesun momento
kier a gradici Sportsubsidie Commissie como tambe
Balashi Brouwerij pa nan aporte na e deporte di Domino.
Un danki na Lotto, e loteria di Aruba cu pa medio di
Comision di Subsidio cu a yuda subsidia e Campeonato
di domino 2016 organisa pa Aruba Domino Bond.
