Page 6 - MIN ECEM 3 MARCH, 2017

Parlamentario Chris Dammers Turismo pa Aruba a reacciona
positivamente pa locual ta mercadonan clave

Friday, 03 March 2017 14:39
Comparti

E momento a yega pa partidonan den oposicion, habri wowo y reconoce e realidad di un gobierno di AVP,
cu ta goberna pa bienestar di nos pueblo, pa futuro di e interes general di e pais, Parlamentario Chris
Dammers ta mustra.

“Ya desde 2015 ATA debidamente ta trahando cu 2 estadisticonan, esta esun cu ta inclui e turistanan
Venezolano y e otro cu ta exclui e turistanan Venezolano, simplemente pa bo no bay gaña mes ariba un
grupo di turista extra Venezolano cu ta bini nos pais pa negoshi di raspa dollar y bay bek. Sinembargo
semper nos a bisa cu bo tin un grupo solido di un alrededor di 180.000 turista Venezolanonan cu ta bin
nos pais y ta gasta te hasta mas cu un turista den averahe. Pero door e gruponan extra cu e ultimo 2 aña
nan tabata bin Aruba nos tabata surpasa 300.000 turista Venezolano cu awor ta normalisando bek. Si
tuma e caida drastico cu ta tumando bek awe desde aña 2016 den e turistanan Venezolano – cu poco pa
poco ta normalisando bek na cifranan di 2014 - ATA, conforme cu locual nos a discuti cu nan den e
comision di Turismo di Parlamento na final di 2016, mester a inyecta sumanan extra di mercadeo na un
total di Afl. 4 miyon pa aňa 2016, di cual 2 miyon a wordo inyecta den e ultimo kwartaal di 2016. E
frutanan di e inyeccionnan extra aki nos por a mira directamente na final di aňa 2016, y ainda ta mirando
esaki pa cu e luna di januari 2017, cu e siguiente cifranan:  Nos ta mira cu pa luna di januari - si
compara 2016 cu 2017 - un subida substancial den e mercado di Merca cu un subida di 8.4%,
mientrastanto cu Canada a subi cu 13.7% y Europa a subi cu 3.5%. Merca siendo nos mercado principal
di semper.

 Tourism Receipt pa 2016 calcula door di Banco Central di Aruba lo sali mas of menos na luna di maart
2017, sinembargo nos por wak cu pa locual ta e prome 9 lunanan di 2016 esaki tabata $ 1.23 biyon cual ta
un reduccion minimo di 0.4%. Parti di esaki ta relaciona na e pik di turistanan Venezolanonan cu a bin
den gran cantidad na 2015 cu a wordo reduci basta pa 2016, si nos compara e mesun 9 lunanan di 2016
cu 2015;  Igualmente si compara e lunanan di januari di 2016 cu 2017 nos por mira cu e REVPar a subi
solido cu 9% di US$ 235.30 pa 256.48. E Average Room Occupancy a subi di 79.2% pa 84.9%. Pa locual
ta e Average Daily Rate nos por wak cu esaki a subi tambe di US$ 296.93 pa US$ 302.22. Pa locual ta e
targetnan pa aña 2017 ATA a stipula e siguiente metanan nan dilanti:  Pa locual ta e pasaheronan cu ta
bini y keda cu transporte aereo ta pronosticando un crecemento di 1.0%;  Pa locual ta placa cu
turistanan ta laga atras den nos economia ta pronosticando un crecemento di 1.0%;  Pa locual ta e
“Revenue per Available Room” nos lo bay wak un crecemento di 3.5%;  Pa locual ta nos turistanan
crucero nos por verwacht e aňa aki un crecemento di 5%. Ta decisionnan cu ta sigui refleha e maneho cu
Gobierno di AVP a bin ta ehecutando a base di su programa di gobernacion cu pueblo a sostene na 2013
caminda e prosperidad comparti, ta esencial den e maneho aki,” Parlamentario Chris Dammers a
declara.