Page 59 - MIN ON

Green Faculty di Universidad ta premira pa cuminsa na 2018
bay padilanti

Wednesday, 12 April 2017 19:27
Comparti

Rector di Universidad di Aruba, Glenn Thode, ta spera cu si tur cos bay bon, pa e aña academico 2018 bay dilanti, ya
caba por cuminsa cu actividadnan di Green Faculty. Esaki ta pa mas of menos aki 1 aña y algun luna. Ta spera cu pa e
momento ey tin un di e opcionnan ya menciona, ya caba realisa, den sentido cu lo por amplia un poco.

Awor aki a cuminsa cu Academic Foundation year, pa e aña academico pa cual nan ta. Tambe tabata tin necesidad di
mas espacio y kisas ta leuk pa mira un biaha, pero mester a uza tereno cu tabata habri ainda den Universidad, pa
amplia un tiki espacio pa e staff. A traha un flexruimte, un area caminda tin un forma nobo pa traha, mas flexibel pa
e trahadonan y tambe a laga pone dos espacio temporario, di modo cu e studiantenan di e Academic Foundation
Year por haya les eyden. Esaki basicamente awor aki ta uzando tur e espacionan cu tin den na nan limite. Ta spera cu
pa 2018 tin un of mas di e areanan den cual cu a papia di dje, si realisa. E urgencia no ta pa e aña academico aki
inmediatamente cu ta cuminsa na 2017/2018, pero si pa e aña academico 2018/2019.

Fondonan

Pa un parti, Universidad di Aruba ta financia tur su actividadnan. Un parti di dje ta un Landsbijdrage, esta fondo cu
pais Aruba ta duna Universidad pa e cumpli cu tareanan di educacion y haci investigacionnan cientifico. E otro ta
busca fondo for di otro fuente. Ya caba a haci algun di e programanan cu a inicia na e Universidad aki cu algun otro
fondo. Pa duna un ehempel, tin un programa cu yama Educational Leadership for Colaboration y esaki a haci’e pa
medio di placanan cu Gobierno a haya di Union Europeo, pa inicia proyectonan innovativo den educacion. E ora ey
hunto cu Gobierno di Aruba, a haya e fondonan pa haci e programa aki. Esaki ta un di e modalidadnan cu tin. Ta
bezig cu e Green Faculty. Loke kier haci ta uza fondo di Union Europeo pa e iniciativa aki por ser financia pa por
start’e. Una bes cu e fondonan di Union Europeo pa start e programanan aki termina, mirando cu e tin un limite di
tanto tempo pa uza nan. Y despues di esey e fondo ta seca. Tin tres opcion, cu si kier continua cu e programa. Sea e
studiantenan mester pag’e, of un parti di dje ta subsidia door di landsbijdrage, esta Gobierno un biaha mas y si ta
asina, e ora ey por tene e collegegeld abao of e otro opcion di tres ta, cu bo no por pag’e mas y bo tin cu stop cun’e.
Tin e opcion di stop, bo tin opcion di continua y una bes bo continua, tin dos opcion, of ta haci’e cu bo tin cu haya
fondo di studiantenan, e ta bira algo comercial, esta tin cu paga su mes, of un parti di dje tin cu paga su mes y un
parti di dje ta fondo di comunidad, esta comunidad den su totalidad ta contribui pa mantene e costonan abao pa e
studiantenan, segun Thode.