Page 46 - FDLP
P. 46
Durante su añanan den baseball Wiwi a hunga tambe algun wega na Venezuela contra
teamnan di Punto Fijo, Barquisimeto y e farmteam di Cardenales de Lara. Wiwi a hunga
contra Batería Meteoro di Santo Domingo, Springfield College, Whittier College (cu
Jesse Beukeboom a invita) y Atletics in Action di U.S.A., Dodgers di Sint Maarten y
Wild Cats, Royal Scorpions, Santa Rosa, Alpha Zelbo y Blue Haws di Corsou. Wiwi a
tira e spada y a stop di hunga Baseball na aña 1998. Lokual semper Wiwi a keda recorda
pa bida y lokual semper a cay masha hopi na su agrado momento cu el ta bay bati y e
publico grandi cu ta apoya a inventa un refrain pa Wiwi: WIWI, DAL’E……P’AFO,
WIWI DAL”E….. PAFO!!!, y mayoria biaha Wiwi tabata responde cu un batasonan
largo.
Wilbert “Wiwi” Maduro den Volleyball.
Wiwi a cuminsa hunga volleyball na edad hoben den bario di Brazil. Su prome team
tabata yama Brazil Giant na 1972 (Junioren). Teamnan cu tabata competi: Brazil Giant,
Brazil Lions, Bata, Connie Francis, Super Eleven Boys, Bon Bosco Eagles, Rapid, Centro
di Bario Noord. Na 1974 Wiwi a hunga pa Martin Luther King School y a sali campion.
Nan a bay Corsou pa bay hunga contra Randolfus College y a gana 2-0. E wega aki a
tuma lugar den Sint Thomas College. Na 1975 Wiwi a logra sali sub-campion.
