Page 24 - AVP
P. 24
Booshi Wever: SI TIN UN HENDE CU TA MAL
INFORMA PUEBLO ANTO ESEY TA OTMAR
ODUBER!
August 6, 2019
SHARE
Facebook
Twitter
Lagami cuminsa na unda nos a caba nos ultimo articulo siman pasa. Minister Otmar Oduber ta keda hunga un
wega di manipulacion, birando y trociendo tur sorto di berdad, desviando atencion, basta e logra su proposito.
Nos a mustra tambe, cu e modus operandi di Otmar Oduber a pone un persona riba “social media” crea un
“ismo” nobo, esta “Otmarismo”. Esaki ta e accion of capacidad di “manipula hende cu algo cu no ta existi den
realidad, pa cambia of laga afo cierto hecho- of partinan di un storia of situacion, minando asina
necesidad/grito pa transparencia y integridad.”
Nos a observa tambe cu minister Oduber ta uza un retorica pa hustifica su actonan, na un manera persuasivo,
pa purba na convence pueblo, contradiciendo su mes y si mester recuriendo na mentira-, insulto-, acusacion- y
insinuacionnan.
Den su reaccion riba mi persona, e biaha aki maluzando su propio asina yama profesionalnan di su ministerio-
