Page 2 - ARUBA AIRLINES

Merca a nenga Aruba Airlines pa bula

cierto ruta crucial na Merca

Posted on 04/4/2019 8:29 pm AST | Updated on 04/4/2019 8:33 pm AST

WASHINGTON – E Aeroliña local Aruba Airlines no a haya permit di Merca pa
bula cierto ruta crucial den forma di charter. Esaki por nifica cu posiblemente
mester reduce personal pa por atende cu e limitacion den nan operacion, manera cu
NoticiaCla por a compronde. E dianan aki tin informacion ta circula asina aunke
NoticiaCla no por a confirma esaki. Ningun persona di e aeroliña ta papiando e
dianan aki, aunke e portal aki a haci intento pa haya nan reaccion. E rumor
coriendo ta cu debi na e rechaso di Merca pa e ruta aki, e aeroliña mester reduci
nan operacion parcialmente cu por nifica menos hende na trabou.

PERMISO

E siman aki Departamento di Transporte Mericano (DOT) a nenga e apelacion di e
aerolina pa bula un ruta specific, esta esun entre Miami y Tampa y cierto rutanan entre
Miami y Havana. Nan ta rutanan hopi productivo financiero pa e aeroliña. Ta trata e ruta
di Miami pa Havana, unda cu e aeroliña lo mester a bula pa Havana Air. Tabata na
februari cu a nenga nan e ruta aki, nan a apela y awor e apelacion tambe nan a perde.