Page 86 - MIN ECEM
P. 86
Presidente di Parlamento: Comunidad tin cu sostene nos
grandinan
Monday, 15 May 2017 18:03
Comparti
Ariba dia di mama presidente di Parlamento, drs. Mervin Wyatt-Ras a bishita un lugar di cuido di nos
grandinan y a duna un gesto di cuminda y musica di caha di orgel. Wyatt-Ras ta expresa e aprecio cu e tin
pa nos grandinan y tur esnan cu ta cuida nos grandinan. Especialmente ariba dia di mama.
Anterior e no por a haci bishita na un instancia ariba dia di mama mes, enbista cu e tabata cuida su
propio mama y tata. Awor su mama no tey mas el a dicidi di haci algo pa otro mama cu tin necesidad. E
ta considera di importancia pa comunidad duna su aporte na e bunita trabou aki. No solamente gobierno
sino sector priva y ciudadanonan tin cu yuda cu e responsabilidad importante aki di cuido di nos
hendenan di mas edad. Wyatt-Ras ta felicita nos mamanan y ta gradici alavez sr. Werleman pa su bunita
piesanan y su amigan(o)nan pa e teamwork pa yud'e y companj'e pa haci e gesto aki bira realidad.
