Page 6 - ARUBA BANK

Un Team Di G4N A Scoge Pa Yuda Fundacion –

Arubela Y Aruba Bank Cu Donacion Special Na Mary

Joan Foundation

 Local
- 31/07/2019

Un team di Good4Neighborhood 2019, esta Arubela, cu ta consisti di 5 studiante,
Nakulraj Dindyal, Tara Richardson, Milyandra Bareño, Nayelhi Maduro y Alexander
Gamez a haci un donacion na Mary Joan Foundation. E team a bin cu e nomber di
compania Arubela cu ta traha belanan di diferente holor y color.

Diasabra Arubela a bende nan producto na Plaza Daniel Leo durante evento final di
Good4theNeighborhood-Building Entrepreneurs y un parti di e placa di benta, a haci un
donacion na Mary Joan Foundation, un fundacion cu ta traha na bienestar di
conscientisacion di cancer di pecho.

E fundacion no ta solamente yuda e pashent, pero tambe ta yuda e famia pa sa mas kico
tur mester haci ora di cancer di pecho.

Arubela a haci un bunita donacion p’asina Mary Joan Foundation por sigui cu nan trabou
di conscientisacion. Di su banda Aruba Bank, e banco cu ta carga nomber di nos isla, a
dicidi di match e suma cu Arubela a colecta mustrando asina aki nan sosten n’e team di
Arubela y e fundacion.