Page 103 - VOS

Trabounan di renobacion a inicia na Centro Deportivo Frans
Figaroa na Noord

Wednesday, 25 January 2017 18:16
Comparti

For di siman pasa dialuna cu a inicia cu e diferente inspeccionnan na e accomodacionnan deportivo cu ta
cay bou maneho di St. Fundacion Facilidadnan Deportivo, FFD, cuater dia despues ya caba a cuminsa cu
e renobacion di e facilidad deportivo di Frans Figaroa na Noord.

A baha e dak di e tribuna banda drechi di e compleho por completo mientras e ruim op tur e hero y
zinknan bieu. E compania Promarcon ta esnan encarga cu e trabounan di renobacion.

Ya caba a pone e hekinan nobo na ambos banda di tribuna, antes esakinan tabata di waya. Actualmente
ta evaluando over di e lusnan cu paun par di tempo caba no ta funcionando optimalmente pero pronto lo
mira un cambio completo den e esakinan caminda lo remplasa esakinan pa un di miho calidad y mas
duradero, mas cu claro cu lusnan LED. Tambe lo bay bini cu un “scoreboard” completamente nobo y
ultra moderno.

Dentro di algun luna mester ta cla cu tur e trabounan pa asina e Centro Deportivo Frans Figaroa bira
operacional y e weganan di futbol por continua den e stadion na Noord cu tribuna, lusnan y scoreboard
completamente nobo. Pronto lo cuminsa tambe cu e trabounan di renobacion na stadion Guillermo
Prospero Trinidad na Dakota.

Deporte ta pa nos tur, awendia tin necesidad pa motiva tur ciudadano pa aporta na deporte, e ta haci
amistad y ta sano pa nos salud.