Page 18 - VOS

Parlamentario Sr. Jeffrey Kelly: Campañá ta un, Goberna ta
otro

Thursday, 26 January 2017 10:12
Comparti

Parlamentario Kelly ta splica cu el a tuma nota cu e politiconan di “social media” di MEP ta haci yen di
promesa, caminda ta papia di “amor”, “pasion” y “dedicacion” cu lo hiba nos pais bek na su “gloria”.

E uniconan cu a goza di e tempo di “gloria” di MEP ta e grupo elite di famia y amigonan. Ken por lubida e
caso di fiestamento cu placa di pueblo cu entre otro huurmento di edificionan y otro contratonan
lucrativo cu tabata bai den un solo direccion. Esaki ta MEP su experticio cu nan a practica cu hopi amor,
pasion y dedicacion! E diferencia Contrario na e nepotismo di MEP, Gobierno di AVP a demostra cu e
gobierno aki ta uno cu ta traha pa pueblo. Gobierno di AVP a cumpli cu su responsablidad como
Gobierno y a percura pa salbaguardia e fondo di nos grandinan (SVB y APFA), sino awe nos grandinan lo
no por a cobra pensioen, Gobierno di AVP a trece nos Turismo bek riba pia, Gobierno di AVP a reduci
nos defecit financiero, Gobierno di AVP a reforma financiamento di AZV y Gobierno di AVP, ni maske
cuanto opositornan bula y grita TA esun responsabel pa reapertura di nos refineria. Banda di e
responsablidadnan ariba menciona, Gobierno di AVP a presenta un lista di Prosperidad Comparti, cu
conseho di Minister a aproba dia 15 di November aña pasa.

E lista di prosperidad comparti ta confirma cu lo duna bek na pueblo entre otro cu reduccion di tarifa di
coriente, aumento di salario minimo y aumento di pensioen di nos grandinan. Promesanan di campaña
Partido MEP ta haciendo promesanan na tur cu ta willing pa skucha. Nan promesanan ta basa riba
populismo y nan ta purba di gana simpatia y confiansa a base di “lagabo skucha loke bo kier skucha”, sin
tene cuenta cu si esaki lo ta responsabel y posibel ora bo ta goberna un pais. Pero pueblo ta consciente di
esaki y ta corda ainda tempo cu MEP a bisa cu “campañá ta un y goberna ta otro”. Si bo traduci esaki
MEP ta bisa: “nos ta lagabo skucha loke bo kier skucha, pero mayan si nos goberna esaki NO ta nifica cu
loke nos priminti y predica nos por cumpli cu ne!”