Page 8 - VOS

Exitoso campeonato nacional di Dia di Betico 2017

26 January, 20170

Den e marco di e celebracion di Dia di Betico 2017, Aruba Taekwondo Bond (ARTBO) a organisa un
Campeonato Nacional cu a tuma lugar diasabra ultimo den Compleho Deportivo Frans Figaroa na Noord.

E ceremonia a cuminsa cu Himno di Aruba, y despues cu palabra di bon bini di e Presidente di Aruba
Taekwondo Bond, Dr. Guaicaipuro Jimenez kende a splica tocante di e ultimo desaroyonan di
Taekwondo na nos dushi isla di Aruba y planesnan pa futuro. Dr. Guaicaipuro Jimenez a duna un aprecio
na e atleta Nishon Dunlock, pasobra e tabata e prome atleta cu a yega na Compleho Deportivo Frans
Figaroa pa e competencia y esaki ta parti di e disciplina cu tur atleta ta haña ora cu nan ta practica
Taekwondo.

Dr. Guaicaipuro Jimenez a informa cu e atleta di Taekwondo Monica Pimentel, lo ta participando tambe
ariba e mesun diasabra na e Germany Open, torneo di categoria G1 y a desea exito na su participacion.

E campeonato a conta tambe cu e bishita di e Presidente di Lotto pa Deporte, Sr. Di-Stefano Wernet.

E evento a cuminsa 10:30 di mainta cu desfile di tur e scolnan participante:

Noord Taekwondo Center di Grand Master Chaco Jose Cornelio, San Nicolas Taekwondo Center di
Master Eric Barry y coach Shaul Illidge, Brazil Taekwondo Stichting di Master Alberto Klaber y coach
Aaron Jacobs, Tiger Taekwondo Academy di Kyobunim Teofilo Rodríguez y coach Albert Thielman,
Crotalus Taekwondo Center di Kyobunim Viviana Bustos y coach Patrick Dirksz. Na final a desea tur e
atletanan exito na e competencia.

E resultadonan final pa Combate ( Kyorugi) ta como lo siguiente:

BEST FEMALE FIGTHER INFANTIL Jewel ILLIDGE San Nicolas Taekwondo

BEST MALE FIGTHER INFANTIL Dilon BROWN Brazil Taekwondo Dojang

BEST FEMALE FIGTHER CADET Rushineldy LEJUEZ San Nicolas TKD

BEST MALE FIGTHER CADET Shandirow SCHMIDT Brazil Taekwondo Dojang