Page 95 - VOS

Lotto ta felicita e federacion di taekwondo cu nan
campeonato nacional

Wednesday, 25 January 2017 18:13
Comparti

Diasabra ultimo, e federacion di taekwondo, ARTBO a tene nan campeonato nacional di taekwondo pa
tur nan scolnan miembro esaki den Centro Deportivo Frans Figaroa na Noord.
Na mes momento a pone e campeonato den cuadro di e celebracion riba Dia di Betico 2017. Aruba
Taekwondo Bond pa medio di su presidente, Dr. Guaicaipuro Jimenez a habri e mainta splicando e
desaroyo di e deporte di combate na Aruba y tambe unda lo kier mira taekwondo di Aruba den futuro
cercano. Nos tin hopi potencial y taekwondo di Aruba ya ta reconoci mundialmente unda nos atletanan
ta destaca den bon forma participando na eventonan grandi manera G1.
Mester bisa cu mayoria scol a atende e campeonato caminda e participacion tabata hopi grandi cu varios
peleanan interesante. Remarcabel ta cu tur e combatenan tabata riba nivel, esaki di chikito te cu esnan
mas grandi. Como e miho bringador femenino infantil a resulta Jewel Illigde di San Nicolas Taekwondo,
e miho bringador masculino infantil Dilon Brown di Brazil Taekwondo Dojang. Miho bringador
femenino cadet, Rushineldy Lejuez di San Nicolas TKD, miho bringador masculino cadet Shandirow
Schmidt di Brazil Taekwondo Dojang. Miho bringador masculino junior Zahyon Klaberdi Brazil
Taekwondo Dojangy y e miho Team a bira San Nicolaas Taekwondo. Den su calidad como presidente di
St. Fundacion Lotto pa Deporte, sr. Di-Stefano Wernet RA tambe a haci acto di presencia na e
campeonato nacional di taekwondo.

Un danki sigur na Lotto, e Loteria di Aruba pa medio di Comision di Subsidio cu a subsidia eeventonan
deportivo enconexion cu e celebracion riba Dia di Betico. Tur aña mayoria federacion tin riba nan
calendario un evento deportivo riba 25 di januari, celebrando asina e fecha natal di e gran estadistica
Arubano.

Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio.