Page 114 - KPA

Minister Dowers ta lamenta cu hendenan jong ta cay den
man di husticia

Wednesday, 19 April 2017 21:31
Comparti

Por a tuma nota di e accionnan policial den marduga. Toch e tempo cu e criminalnan ta keda den
libertad, ta masha poco mes, mirando con reaccion rapido cu tin riba caya den oranan di marduga di
parti di Cuerpo Policial.
Diferente districto ta activo. Segun Minister di Husticia, Arthur Dowers, a percura pa tin mas pais na pais
Aruba y ta traha sumamente bon. Pero lamentablemente, regularmente mester tende un Xiomara Ruiz-
Maduro, un Besaril, un Evelyn Wever-Croes, ta caba cu nos Cuerpo Policial, caba cu e aparato di husticia,
critica y lastranan. Pero ta mira cada biaha di nobo, con bon nos Cuerpo Policial ta funcionando y con ta
logra para e abusadornan cu ta atacando nos comunidad. E forma gorosero cu e hendenan aki a actua
den e ultimo dianan aki contra di propiedad di nos comunidad, ta spera cu hues ta tene cuenta cu esey
tambe. No solamente nan a bay horta, pero na un forma sumamente brutal ta haci e cos aki, dunando di
pensa cu lo ta nan ta dicidi aki riba y a demostra na nan cu cos no ta bay asina ey.

Otro cos cu tin cu lamenta cu ta mira ta hendenan jong, ta hendenan cu a cay den man di husticia caba y
ta mira cu ta hendenan cu a hiba otro hende tambe pa haci malo. Pesey ta keda haci un apelacion riba
mayornan. Riba famia y conocirnan. Ora cu mira cu e criminalnan cu ya caba tin experiencia, ta bay den
direccion di bo famia, pa purba hale di cosnan malo, bo tambe di un otro banda ta ranca, pasobra bo no
kier pa un mucha jong asina, ta haci e cosnan aki. Ta mira cu polis a actua rapido. Ta spera cu hopi lihe
despues ministerio publico por hink’e hopi bon den otro cu na momento cu yega corte, castigonan pisa
por wordo pidi y castigonan pisa cay. Ora un hende haya e oportunidad, cu el a haci malo, a bay prizon, el
a haya chens pa hasta pa e por a rehabilita su mes y scoge cu esaki ta e caminda cu e kier sigui, bay
comete atraco y bira mas brutal riba atakenan riba comunidad, e señal mester ta bon cla, for di e ora ey e
comunidad cu no kier e personanan aki mas den comunidad, mester ta den prizon pa basta tempo. Tin
un di e personanan aki, a purba di deporte for di e isla, pero su relacion ta di tal forma cu esey no a logra.
Lo bay analise atrobe pa mira cu si e no ta otro caminda, unda e tin un relacion mas miho cu aki na pais
Aruba