Page 45 - KPA

AWEMainta Diahuebs, 20 April 2017 13

Ministerio Publico di Corsou

A exigi 26 aña

di castigo pa

Burney “Nini”

Fonseca

Pa su rol den e asesinato di Helmin Wiels

WILLEMSTAD – Ayera diaranson, 19 di april
2017, a continua cu e caso penal contra Burney
“Nini” Fonseca y e sospechosonan relaciona cu e
asesinato di politico Helmin Wiels.
E caso Maximus sigur tin atencion di Corsou y Reino
Hulandes.

Fonseca ta considera como un link entre esnan cu
a duna ordo pa asesina Wiels na mei di 2013. E
asesino di Wiels, esta Elvis Kuwas, alias “Monster”,
a wordo traslada for di Boneiro pa Corsou como un
testigo den e caso. El a declara cu e ta cla pa confesa
tur locual e sa.

Den e discusionnan cu a tuma luga durante trata-
mento di e caso, varios nomber a keda menciona.
Esun mas sobresaliente tabata ex Minister George
Jamaalodin, kende actualmente ta cera na Caracas
pendiente su traslado pa Corsou. Jamaalodin ta
sospecha di ta esun cu a paga pa termina cu bida di
Helmin Wiels, mientras Fonseca ta sospecha di ta
esun cu a ricibi e placa.

Por lo tanto, a base di evidencianan treci padilanti,
Ministerio Publico a exigi 26 aña di castigo pa Burney
“Nini” Fonseca.
Ademas, lo mester tende for di mas testigo y presenta
e materialnan cu a wordo produci for di lunanan di
investigacion. Lo sigui observa e desaroyo di e caso
aki.