Page 85 - KPA

Arthur Dowers: Esnan cu no kier siña y ta opta pa bira
criminal tin cu pasa un trayectoria largo den prison

Wednesday, 19 April 2017 21:28
Comparti

Na Aruba tin di e criminalnan ta conoci di husticia y ta sali bek. Aparentemente hues comisario
ta tene hopi cuenta cu ta menor di edad, etc. Pero ata e problema.

Segun e minister di husticia Arthur Dowers, den nos sistema por tambe bin cu medidanan
contra tipo di e muchanan jong aki pa no necesariamente bay KIA, pero bay den un tratamento
cu por dura mas largo, por ta un castigo di prizon cu nan ta haci. Si tene cuenta den cuadro di
jeugdstrafrecht, un medida cu ta yega na basta aña acumula, y si tene cuenta cu kico nan ta
haci, hopi biaha prome biaha, no ta duna e cantidad di castigo ey. Ta mira ey banda tambe. Ta
keda na hues y ministerio publico naturalmente. Mas atencion mester wordo dedica na e
muchanan jong. A focus hopi riba dje. A bin cu leerplicht pa percura cu nan ta na scol. Ta purba
id hayanan den bon caminda. Esnan cu no a logra, a bay cu leerwerktraject pa dunanan
perspectiva. A bin cu formacion social. A haci’e den tur banda. Via reclassering tambe nan ta
haya tur sorto di posibilidad. Si ta siña bo no kier siña bo tin cu pasa un trayectoria largo den
prizon, pa asina alo menos e comunidad ta trankil dibo. Toch e forma brutal y gorosero cu e
hendenan aki ta actua riba propiedad di hende. Tin ta traha duro pa yega na nan cosnan, ta bin
kibra cos, corta hekwerk. Nan no ta ni tene respeta cu ta proteha nan luga, pasobra t’abo mes
ta doño.

E señal mester wordo manda hopi cla, castigonan halto mester wordo pidi y ta spera cu
huesnan tene cuenta tambe cu e muchanan aki cu e unico cos cu por haci awor aki, ta buta
castigo riba nan. Tin cu percura pa haya opleiding etc. den prizon, pa despues di keda
suficiente tempo, caba cu e opleiding for di den prizon, no mester bay horta y busca un trabao.
Y si ta coy sinberguensa bo kier haci y bay sinta horta, no tin otro alternativa di bay keda den
KIA numa.