Page 30 - DESPA 24 MARCH, 2017

dengue. Pa loke ta tratamento no tin un vacuna ni un tratamento specifico pa Zika,
solamente un maneho sintomatico cu ta consisti di descansa e curpa tuma paracetamol
pa controla e keintura cu por jega 39 grado. No ta recomenda usa aspirin pa riesgo si
tin sangramento. Ta consehabel bebe hopi likido pa juda den e varios sintomanan cu a
haya cu Zika. Si tin otro hende rond aleha di nan den e prome siman pa evita contagio.

Prevencion.

Debi cu e transmision ta pasa pa motibo di un pika di sangura, ta recomenda e uso di
un mosquitero cu por juda tene e sangura leu. Usa repelente cu Icaridina y paña pa
cubri brasa y pia pa asina no haya mas picadura por juda.

Den caso di un homber cu ta Zika positivo y e kier pa señora haya jiu, e mester
consulta prome cu su dokter y sigur tin un save sex pa un temporada di 2 pa 4 luna. Un
homber Zika positivo por pasa e virus pa su señora. Si un muher ta positivo pa Zika e
mester abstene di tin relacion sexual of su pareha mester usa condom. Un muher
positivo cu Zika no por pega su casa pero si por afecta su baby si e sali na estado. E
situacion aki no ta nada facil pa un pareha hoben hoben cu kier cuminsa un famia.

Riba Virus di Zika tin mas informacion di cual E Arubiano lo sigi duna informacion.