Page 25 - FDLP

Cada 4 aña tin Juegos Panamericano y esaki ta tuma lugar net un aña promer cu Juegos
Olympico. Pues Juegos Olympico lo tuma lugar otro aña na Tokyo Japon 2020. Juegos
Panamericano 2023 lo bay ta na Santiago Chile unda preparacionnan ja caba a inicia.
Atletanan ta traha duro pa mehora nan condicion fysico mientras dirigentanan tambe a traha
duro riba e aspectonan di wega y organisadornan “Panamsport” hunto cu e Comittee

Organisador lokal y gobierno di e pais ta hasi inversionnan miyonario pa por logra di tin un
excelente campeonato. Pa ta exacto 26 di Juli ultimo tabata tin e show magestral di apertura
den Stadion Nacional di Peru unda Selecion Nacional di di futbol di Peru ta prepara. Den un
stadion repleto di fanaticada por a gosa di e desfile di 41 paisnan cu nan atletanan cual tabata

masha colorido y masha bunita. Endy Croes ta sigui splika lokual ta resalta banda di nos
atletanan cu a dedica pa prepara nan mes pa competi riba e nivel aki, Federacion y
Confederacionnan tin e confiansa cu Federacionnan Internacional ta desplega den nos
hendenan lokal como dirigente. Tabata un orguyo y placer di por ehempel encontra cu e
conosido Arubiano Hugo Themen trahando den secion di Hues pa su Federacion Internacional
pa cu e deporte di Weightlifting. Pa chiquito cu Aruba por ta semper su hendenan a sa di

destaca riba plataforma internacional. E ceremonia di apertura tabata fenomenal. Presidente di
Panam Sport Neven ILic y Presidente di Peru Martin Vizcarra despues di nan speech
imprecionante a declara Juegos Panamericano 2019 Lima Peru officialmente habri. Luis Fonsi
tabata e artista internacional invita cu a perform na final di e ceremonia brindando un excelente

show. Deporte ta unifica un pueblo y atravez di deport eta juda crea un mihor comunidad. Exito
na tur nos atletanan cu ta compitiendo na Peru den Juegos Panamericano Lima 2019.

http://www.awe24.com/20190728/36738/Endy_Croes_Technical_Commissioner_pa_WBSC_y_Hugo_T
hemen_Hues_pa_weightlifting