Page 4 - MIN ECEM

AWEMainta Diamars, 4 April 2017 9

Spaans Lagoen a bira oficialmente parti di Parke Nacional Arikok

Prome Minister Eman hunto cu Su Altesa Real Prinses Beatrix a devela e borchi
haciendo e acto oficial

ORANJESTAD - Siman pasa Su Altesa Real Prinses Beatrix a bishita Aruba riba invitacion di Parke Nacional Arikok. Esaki relaciona cu
ampliacion di Parke cu e parti di Spaans Lagoen cu ta un di e 16 areanan di naturalesa cu durante aña ta wordo traspasa pa Parke
Nacional Arikok. Diabierna ultimo e ceremonia di develo oficial di e borchi a tuma lugar. Traspaso di e parti aki di naturalesa aki a sosode
dia 11 di maart 2017, pa medio di un decreto gubernamental. E decreto a wordo firma pa Prome Minister Eman, Minister Sevinger y
Minister de Meza. Aparte di Spaans Lagoen tin 15 otro area di naturalesa cu pronto ta wordo traspasa pa Parke Nacional Arikok cu di e
forma aki ta wordo amplia den forma considerabel.

Areanan di naturalesa cu ta bay resorta bou Parke Nacional Arikok

Rooi Manoonchi Demas rifnan na Oranjestad

Rooi Lamoenchi Mangrove Savaneta Zeewijk

Duingebied Westpunt Rifnan San Nicolas

Natuurgrens Plas The Mill Region di Naturalesa Sero Teishi

Natuurgrens Bubaliplas Saliña Tierra del Sol

Natuurgrens Sero Teishi Region di Naturalesa Sero Colorado

Natuurgrens e rifnan di Parkietenbos Saliña Savaneta

Demas rifnan di Barcadera Saliña Cerca

Natuurgrens Mangel Halto Isla di Oro Rooi Taki y Rooi Bringamosa

Durante traspaso di Spaans Lagoen pa Parke Nacional Arikok y develo di e borchi door di Prinses Beatrix y Prome Minister Mike Eman,
Director di Directiva di Parke Greg Peterson a splica kico tur Spaans Lagoen ta nifica pa Aruba y pa naturalesa. "Awe un momento
historico ta tuma lugar. Parke Nacional Arikok ta bira mas grandi cu incorporacion di e region aki. Spaans Lagoen, cu ta mas o menos 70
hectare, ta keda na e parti mas suit di Parke Nacional Arikok y ta un di e lagoennan mas grandi den e region Caribense". Peterson a
papia di e manglonan cu mester wordo proteha pasobra nan ta e 'broedplaats' pa varios pisca y parhanan di laman.

Prome Minister Eman tambe a califica 31 di maart como un dia excepcional. "Excepcional pa loke ta bay tuma lugar aki: traspaso di un
bunita parti di naturalesa como parti di Parke. Tambe un dia excepional pasobra nos tin un biaha mas Prinses Beatrix cerca nos. E ta
trece cu ne e stimacion cu e tin pa nos islanan y nan habitanenan. Su amor pa nos naturalesa ta grandi y no ta un coincidencia cu ora na
2000 a institui Parke Nacional Arikok, e tempo ey Su Mahestad Reina Beatrix tabata e motor tras di esaki. No solamente como Reina
pero tambe como Dama Protectora e semper a mustra su interes enorme pa nos areanan di naturelesa.”

Despues di e ceremonia di develo di e borchi, a sigui un brindis ameno. Prinses Beatrix a papia cu invitadonan den forma masha
spontaneo. Den oranan di atardi el a atende un lectura na Parke. A sigui un recepcion pa invitadonan unda un bes mas tabatin momento-
nan cu tur presente por a combersa cu Prinses Beatrix. Diasabra el a bandona Aruba despues di un par di dia riba e isla.