Page 50 - FDLP
P. 50
Maureen Croes eligi como Presidente di
Unión Americana de Natación(UANA)
Posted on 08/6/2019 3:58 pm AST | Updated on 08/6/2019 3:59 pm AST
LIMA - Algun rato pasa, durante di e asamblea general di Union Americana de
Natacion(UANA) teni na Lima, Peru, e dirigente deportivo Arubano, Sra. Maureen Croes
a keda eligi como presidente di e asociacion continental di landamento. Na Aruba
Maureen Croes sigur no ta un desconoci, mirando cu pa hopi aña el a traha den e ramo di
landamento y ta mama di e landadonan; Jordy y Patrick Groters, como tambe Derek y
Ashley Bransford. Esaki sigur ta un reconocimento pa e gran trabou cu Maureen ta aporta
na nivel di e Federacion Arubano di Natacion, conhuntamente cu e disciplinanan pa
varios aña y cu ta produci e resultadonan deportivo importante pa nos pais.
Maureen a bira e prome hende muher pa asumi e funcion aki y tambe e prome hende
muher cu ta presidi un di e asociacionnan continental den e Federacion Internacional di
Natacion (FINA). Info y potret cortesia 297 Sports.
