Page 51 - AHATA

companianan cu ta pone riba mercado. Paisnan a tuma leynan cu ta contradeci nan
sosten na e lista oficial di droga prohibi di e Comision di Narcotica di Nacionnan Uni.

E autoridad mundial di salu, ta mantene su mes na su independencia y na reglanan

existente pa declara si un substancia ta peligroso pa salu.

World Health Organization te awo no a entrega su decision si por kita marihuana for di
e lista di substancia for di e lista di droga peligroso. Tabata ser pensa cu na inicio di

December e lo a entrega su rapport cu mester ser trata na Maart den e reunion di e
Comision di Narcotica di Nacionnan Uni cu ta mantene e lista di droga prohibi.

Te awe e lista di WHO no a mira luz loke ta haci cu marihuana y Cannabis Medicinal ta

keda parti di e lista di droga prohibi y ilegal.

E zeta di cannabis cu ta ser yama un zeta milagroso pa efectonan medicinal cu e lo tin,
a bira un negoshi internacional grandi na paisnan caminda gobiernonan regional of

nacional a bay contra e tratado di Nacionnan Uni cu nan mes a firma.

Pero te ayera e Organisacion Mundial di Salud cu no por tuma riesgo pa salud humano
den e decisionnan cu e ta tuma, no a habri caminda legal pa marihuana ni su

productonan deriva manera zeta di cannabis.

Na Merca, mescos cu na cantidad di pais na mundo, uzo di droga ta conduci na mas
violencia y peliger pa hende. Personanan cu no ta adicto na droga ta bira victima di

abuso di droga cu ta resulta den accionnan agresivo di adictonan cu ta perde control
riba nan mes.

Te awor tabata tin basta critica riba e forma cu no ta atende cu companianan di remedi

cu ta basa riba droga prohibi. Uno di nan ta fentanyl.

Ayera dirigentenan di Insys Therapeutics mester a presenta dilanti Hues pa contesta
acusacionnan cu nan ta bende droga na publico.

E caso ta dirigi contra cinco acusado cu lo a paga placa na dokternan pa nan prescribi e
remedi Subsys, cu ta un spray cu pashentnan di cancer ta uza bou lenga pa alivia dolor.