Page 44 - FDLP

ORANJESTAD (AAN)- Devon Hodge a ricibi e bon noticia cu el a wordo invita pa tuma
parti como refree pa e mundial na Thailand na Bangkok otro aña na Maart.

Esaki sigur ta un bon noticia pa Aruba ora tende algo asina cu organisacion nan grandi
manera World Muay Thai Federation ta invita un yiu di tera pa asisti na un evento
grandi asina.

Devon ta conta cu no ta facil algo asina, pasobra e hende nan di e federacion no ta facil
pa traha cu nan y ta exigi hopi di bo mes, pero e ta contento cu e por a ricibi e honor
tanto pe como Aruba pa ta parti di esaki.

Ora bo wak tur e otro paisnan grandi cu pa otro aña e lo ta hopi mas grandi.
Recientemente Devon tabata na Mexico y el a ripara como un pais mas grandi cu nos,
cuanto nan falta ainda pa siña y eynan e federacion Mexicano a puntre pa e bay duna
les of seminario pa nan hende nan.

Pero door di su trabou di tur dia e aña aki no ta posibel y a bisanan por ta despues di e
mundial na Thailand e ta wak si por logra esey.

Devon a bisa cu e ta hopi grancido na e Presidente di e federacion na Aruba
representando W.M.F. na Aruba sr Roony Boye, cu a dune e confianza y oportunidad aki