Page 63 - FDLP
P. 63
ORANJESTAD (AAN) – Diahuebs siman pasa a cuminsa e campeonato di baseball World
comes to Palm Beaches caminda mas di 15 pais tabata presente pa participa. Aruba
tambe a wordo representa den categoria 15U pa hungadornan di Stars Aruba.
Durante tres dia, nos muchanan a bataya contra diferente pais ganando nan weganan
te cu diasabra, cu nan mester a hunga no menos cu 3 wega tras di otro pa asina yega
te final! Pa 3:45 pm, despues di dos wega sigui, team Aruba a pasa pa final contra
team USA.
Muchanan tabata basta cansa pero asina mes a percura pa duna bataya te final. Aruba
a cai cortico den e Championship Game y a titula sub-campeon di e evento mundial aki.
E muchanan a hasi un tremendo papel den e campeonato mirando cu nan a ricibi
masha hopi atencion di College y MLB scouts durante e weganan.
