Page 8 - AWEMAINTA

8 AWEMainta Dialuna, 20 Mei 2019

Presenta na Telearuba y diferente medio social

Programa pa informa riba maneho di Minister Chris Romero

AWE dialuna anochi net prome cu e noticiero estelar di
Telearuba, Telenoticia, lo presenta e prome edicion di e pro-

grama Punto Informativo.

Punto Informativo ta un programa di Ministerio di Trans-
porte, Comunicacion y Sector Primario, cu e meta pa man-

tene nos comunidad debidamente informa di tur loke ta
sosode den cada departamento cu ta resorta bou maneho di

Minister Chris Romero.

Como e titular di cartera di Comunicacion, Minister Chris

Romero kier haci uzo di e tecnologia di awendia p’asina
yega mas serca di nos comunidad.

“Awendia tur cos ta draai rond di tecnologia y probechando

di e diferente opcionnan cu nos tin na nos alcanse actual-
mente, nos a bin cu e idea pa presenta un programa infor-

mativo semanalmente tanto na Telearuba, como nos planta

nacional di television, pero tambe via e diferente medionan
social.

Informacion ta algo cu, den e mundo di awendia, ta esencial
p’e ser humano. E programa Punto Informativo a nace for di

e pensando cu nos como Gobierno tin e deber di mantene
nos comunidad debidamente informa di loke ta nos mane-

ho”, tabata palabranan di Minister Chris Romero.

E programa Punto Informativo lo pasa tur dialuna pa 7:55
di anochi na nos Planta Nacional, Telearuba y ta wordo pre-

senta pa Arnaldo (Naldo) Maduro. No perd’e!