Page 11 - DIMP

Y awendia tur e pasonan tuma dor di Gobierno y sigur un Parlamento para fuerte pa
cumpli cu locual Gobierno a pone como metanan financiero, Awe ta ser reconoci cu
porfin un biaha mas Aruba ta riba e bon caminda financiero y economico

CONFIANSA DEN REINO
E upgrading di Credit Rating sigur ta crea hopi confiansa den Reino cu locual nos
Gobierno a propone na Gobierno di Reino, esta e ruta pa saca Aruba di su debacle
financiero laga atras pa Mike Eman, pa stabilisa economia y pa hiba un maneho
financiero sostenibel ta cosechando su exito, segun Edgard Vrolijk.

Y sigur e rol di un Parlamento serio cu ta exigi Gobierno pa keda den liña di locual a ser
aproba, unda cu pa 2018 tabatin un balanced budget pa prome biaha, ta sigui mustra cu e
cambio di Gobierno y trece un aire nobo tabata e mihor escogencia di pueblo y e exito aki
ta danki n’e curashi di pueblo pa bay pa un cambio.

PABIEN MINISTER XIOMARA RUIZ MADURO
Sigur un pabien na Minister di Finansas pa su bon trabao pero tambe su maximo esfuerso
pa saca e pais aki dilanti unda nos por crea speransa pa nos futuro generacionnan. Y un
biaha mas nos Ministernan ta mustra cu cada biahe cu nan haci ta trece bon noticia pa
pueblo entre nan a kita Aruba di blacklist, 13 miyon euro pa un facultad nobo na
Universidad di Aruba y awor nos ta wak cu danki n’e biahenan di trabao aki pa mustra
instancianan internacional con e Gobierno aki lo atende e retonan financiero y economico
di e pais aki, awe nos ta conoce un upgrading di nos Credit Rating di negativo pa stabiel
creando confiansa di inversionistanan, segun Edgard Vrolijk.

Tambe mas instancianan internacional manera IMF ta confirmando e confiansa den
Gabinete Evelyn Wever Croes. Y esaki ta duna nos Minister mas forsa pa por sigui traha
pa Aruba.