Page 16 - MIN SJA 7 JAN 2017

8 AWEMainta Diasabra, 7 Januari 2017

Parlamentario Jennifer Arends-Reyes (AVP):

ATA a presenta na Parlamento

cifranan concreto, analisis pa cu

aña 2016 y prospecto pa 2017

SEGUN sra. Arends-Reyes den calidad di Presidente di Comision
di Turismo, ta sumamente importante pa Parlamento ta na altura
di tur desaroyo den Turismo.
Nos no mester lubida cu Turismo ta nos pilar economico cu mester
keda stabiel. Prome cu e reunion di comision den Parlamento,
fraccion di MEP a bisa cu nan tabatin otro compromiso y tabata
ausente pa cu e reunion cu ATA.
Na momento cu yama un reunion den Parlamento, si tin otro
compromiso of no lo por manda sikiera un representante.

Durante e reunion di comision a presenta cifranan cu a cera
aña cu ne y aunke Venezuela, cu ta nos segundo mercado
a cay drasticamente, toch a sa di logra cu e ingresonan di
tourism receipt no a baha pero a cera cu un crecimento.
E net results di ATA tambe a cera cu 4,8 miyon pa 2016
y a mustra cu e emergency fund tin 20 miyon florin.
Pa 2017 ta sigui enfoca ariba calidad y no cantidad,
hopi di e crecimentonan den region ta debi na volumen
di turista y no calidad. Si compara e prijs di averahe
di prijs di cambernan na Santo Domingo e ta mas o
menos 97 USD compara cu Aruba cu ta na 179 USD,
e Parlamentario ta splica.

Hopi enfasis tambe a ser poni riba e comparacion cu
ta ser haci cu destinacionan manera Cuba of Santo
Domingo siendo cu nan ta paisnan hopi mas grandi
cu Aruba y cu ta expandiendo cu hopi camber di hotel.
Aruba su inventario total di cambernan ta locual
nan ta expande cu ne pa aña kiermen no lo por
sigui compara Aruba cu otro destinacionnan
grandi.
Aruba no por expande mas kiermen ta calidad
mester bay mas halto y di bon e mester bira ex-
celente pa nos por pidi mas pa nos destinacion,
sra. Arends-Reyes ta termina bisando.