Page 3 - ARUBA BANK

Riba con e reunion a bay, Lisette Winklaar a duna di conoce cu esaki a bay den un
ambiente positivo. E biaha aki nan a haya preto ariba blanco cu 11 di Maart lo cuminza
cu e proceso pa haya WC den Carnival Village pa asina e chofernan por haci uso di dje.

Pa loke ta e nummerplaat, esaki lo bay bek na 640 florin pa e autobusnan di 11 asiento
y e otro procesonan di belasting ainda falta pa discuti un tiki mas.

E WC nan a haye temporalmente e tempo di Minister Oduber pero el a bira un

custumber caba. A bisa nan cu nan lo haya e WC, pa uso diario di e chofernan,
Winklaar a indica.

E mal contento cu e nummerplaat a inicia ora cu e impuesto pa e nummerplaat a

cambia di 640 florin pa 940 florin. Aworaki e minister a priminti cu esaki lo bay bek na
640 florin pa 11 asiento y ariba 11 asiento te cu 13 tin cu paga 940 florin y mas cu 13
asiento ta 1800 florin, a bisa.

Esaki kiermen cu e chofernan cu a paga 940 florin ta bay paga bek 640 florin.

Pa loke ta e BBO ainda e chofernan ta bezig cu nan investigacion y asina cu nan keda
cla nan lo sinta bek cu e mandatario pa por sigui discuti esey. E chofernan lo contacta

minister aki dos siman pa e duna nan un cita, Lisette Winklaar a señala.

Ta bezig tambe cu un investigacion di TNO pa haci un estudio ariba e situacion di
cantidad di autobus cu tin actualmente, pa wak si e ta keda 8 of si e por bira mas, a

agrega.

https://www.diario.aw/2019/02/impuesto-ariba-nummerplaat-pa-autobus-di-
11-asiento-lo-bay-bek-na-640-florin/