Page 58 - FDLP

E campeonato di Copa Navideño 40+ 2018 a continua den fin di siman cu diferente wega.

E publico presente tabata apoya nan team preferi, kendenan ta luchando pa por yega final

cu lo ta dia 2 di december proximo.

Un total di 7 team, esta Survival, Sniper Birkenstock, Legend, Optica Libra, Criollo

Reds, Los Amigos y Quisqueya ta participando den e Copa Navideño 40+ organisa pa

Jong Blood.

E wega a cuminsa diabierna anochi cu weganan amistoso, unda cu publico tabata

entusiasma pa mira weganan di softball. Diasabra merdia wega a cuminsa cu weganan
amistoso y despues a sigui weganan di 40+. Den e prome wega Survival a bay cu e

victoria di 8-1 riba Birkenstock, asina sigurando un victoria riba nan nomber. E di dos

wega tabata entre Legend y Optica Libra, cual wega a termina na fabor pa Legend cu e

score di 6-0. E ultimo wega di campeonato 40+ tabata entre Los Amigos y Criollo Reds.

Den un wega cu a bay basta pareu, a termina cu un victoria di 6-5 pa Los Amigos.

Diadomingo e campeonato a continua desde trempan, unda cu tur hende tabata cla pa

mira e prome weganan di softball. Survival a topa cu Optica Libra y a busca pa domina e

wega. Survival a bay cu e victoria di 15-6. Den e di dos wega di campeonato 40+

Birkenstock no a presenta y esaki a pone cu Quisqueya a gana pa default.

E campeonato lo sigui e fin di siman aki cuminsando diabierna cu weganan amistoso

desde 7:00pm te cu 12:00am, unda cu lo tin 2 team femenino. Diasabra weganan lo inicia

desde 1:30pm te cu 10:00pm, unda cu lo tin un wega di 40+ entre Survival y Los Amigos

pa 5:00pm. Diadomingo e weganan lo cuminsa desde 10:00am te cu 6:30pm. E biaha aki

lo tin 1 wega di 40+, unda cu pa 1:30pm Legend lo enfrenta Quisqueya.