Page 18 - HOH

conduci cu awe nos prome pilar economico ta nos turismo, unda awe nos por wak entre otro cadenanan
hotelero renombra manera Ritz Carlton, Marriott Hotel, Hyatt.

Logronan grandi

Despues di Betico Croes (dfm), e politico cu mas historia y sigur esun cu mas a percura pa desaroyo di pais
Aruba ta Nelson Orlando Oduber. Un politico cu a dedica su bida na pueblo, un politico cu ta ehempel di
integridad y di bon gobernacion. Hopi hoben kisas no sa e trayectoria di Nelson Oduber y ta bon pa awe nos
dedica na e logronan di Nelson Oduber pa pais Aruba. Durante su carera como diputado y tambe como Prome
Minister na cuatro ocasion Nelson Oduber a percura pa desaroyo di e pais aki den su totalidad y awe nos lo

menciona un cantidad pero ta hopi mas falta y si nos cuminsa publica tur nos no lo caba. Den su funcion como
diputado y sigur como Promer Minister y liderando un gabinete 4 biaha su persona y su gabinete a sa di traha
duro pa pais Aruba y a percura pa traha of funda diferente instituto: Arubus, Aruba Ports Authority,

Containerhaven, Plan Sasaki, Biblioteca Nacional, Hotelvakschool Bushiri, Hulpbestuurskantoornan rond
Aruba, Reapertura di refineria (Coastal), Elmar, percura pa binimento di hotelnan cu nomber grandi manera
Hyatt Hotel, Marriott, Radisson Hotel, Golfcourse Tierra del Sol, Ritz Carlton, Occidental Hotel, Riu Hotel,
Divi Phoenix, Pre Clearance Mericano, Renobacion y expansion di WEB, percura pa Setar keda di pueblo,
Servicio di Ambulance, Centro Medico San Nicolas (IMSAN), SVb San Nicolas, drecha Baby Beach, Institui

Idefre, Serlimar, Construccion di Sporthal St. Cruz, Reconstruccion di Wilhelmina Stadion den Guillermo
Trinidad Stadion, Jaburibari park, Baseball Park Pos Chikito y Santa Cruz, Yara Complex, Simeon Antonio
Complex, Colegio Arubano San Nicolas reconstrui, reconstruccion di Paulusschool, Pieter Boer, John Wesley,

Filomena College, Construccion kleuterschool na Sabana Basora, Renobacion di St Michael y Cristo Rey,
Sagrado Curason, Reconstruccion di Santa Famia, construi Sint Jan Kleuterschool,
construi Kudawechaschool, Warda di polis na Noord y Santa Cruz y sigur a percura pa casnan di pueblo full
rond di Aruba.

Invitacion na Pueblo

Di mi parti mi ta invita pueblo completo dialuna atardi pa brinda Nelson Orlando Oduber un homenahe mereci
y sigur di aki nos ta yama e famia grandi di MEP pa por ta presente na e momento grandi aki ora cu e persona
mas importante despues di Betico Croes ricibi su homenahe y sigur nos ta orguyoso di un mucha homber
humilde di pueblo cu a traha pa pueblo por ser honra pa su bon trabao desplega pa pueblo di Aruba.