Page 7 - AVP

Melvin Tromp Di AVP: “Nunca A Yama Reunion Di 6

Minuut Riba Castigo Pa Abusadornan Di Mucha”

 Politica
- 19/05/2019

E cambio di ley pa loke ta castigo minimo cu a wordo priminti pa Prome Minister Evelyn
Wever Croes cu su Gobierno lo a cambia esaki den un reunion di 6 minuut di duracion,
ainda no a tuma lugar, e vocero di partido AVP, sr. Melvin Tromp ta mustra cu por
compronde di con esaki ainda no a tuma lugar.
Segun Melvin Tromp, esaki no t’e unico promesa di Prome Minister cu e no a cumpli
cune pa cu pueblo di Aruba, ya cu tin cantidad di otro promesa haci cu nunca e mira luz
di dia, pa colmo su Gobierno a haci net lo contrario.

“Aruba ta pasando den un situacion sumamente incomodo n’e momentonan aki, caminda
mas y mas ta sali na cla casonan di abuso di menornan di edad, hasta tin un aumento
drastico di e casonan aki registra y cu ta mustra cu e Gobierno actual, practicamente no a
haci net nada cu loke el a priminti di soluciona.
Pueblo a corda con partido MEP a malusa morto tragico di dos criatura pa trata di saca
bentaha politico y cantidad di promesa a bin dilanti, cantidad di plan a wordo hinca den
otro ya cu a wordo segura na pueblo cu Gabinete Wever Croes tin e hende central y lo
actua mesora.