Page 44 - KPA

For di brandweer tambe a haya yamada y dibiaha den oranan di atardi prome cu cera
porta di Waf a tuma contacto cu Aduana chef na waf pa asina sa kico ta pasando.
Segun e director e informacion ricibi ta cu no ta tur e documentonan ta na ordo y cu ta
indica cu no por laga e container sali for di Waf. Sinembargo na e momento ey a
notifica e chef na warda cu tin un comision y den e comision tin algun palabracionnan
cu a keda palabra y cu mester cumpli cu ne.

Sinembargo tin hopi escenario cu a sosode cu no a spera tampoco debi cu Maduro &
Sons a avisa cu diadomingo 27 di november e barco mester a yega, pero a resulta cu
e barco a yega un dia prome cu ta diasabra 26 di december y manera ta conoci waf di
barcadera ta cera den fin di siman y no por a saca e containernan dentro di 24 ora.

Banda di esaki dialuna ta habri e documentonan tampoco no tabata cla. Na varios
ocasion Aduana ta pidi pa e brokernan tin un copia di tur e documentonan y den e caso
aki tampoco nan no tabatin esaki pa Aduana unda cu a tranca e proseso un poco y e
chef no por a duna ok pa e containernan sali for di waf, pero esaki no ta kita tampoco
cu lo mester a cumpli cu e palabracion cu e comicion.

Director di Aduana ta kere cu esaki ta un mal comunicacion y cu lo mester traha mas
fuerte riba esaki. Sinembargo na momento cu a notifica e chef di e procedura y acuerdo
cu tin den e comision a dicidi di laga e containernan sali e siguiente dia diamars 6 di
december unda cu tur e 20 containernan actualmente ta na wela.

Tambe Aduana ta conseha pa cada broker informa nan cliente cu Aduana tin un
programa nobo cu ta duna e informacion cu manera e barco laga e ultimo porta pa por
bin Aruba e clientenan por cuminsa hinca nan documentonan aden, asina cu e
procedura aki cana prome cu e barco yega Aruba e borkernan ya caba ta na mita di
caminda y por cuminsa paga online cu ta un sistema hopi facil cu Aduana a cuminsa
cu ne.

E reglanan aki tey, pero na varios ocasion no ta haci uzo di dje y ta warda te na ultimo
pa haci e proseso, siendo cu tur cos por ta regla prome cu e barco yega Aruba. Pero
actualmente e problema di container pa sali for di waf ta tras di lomba y regla. Tur e 21
containernan ta riba waf actualmente y na unda cu experto di explosivo Rubin Ponson
lo haci su control nan debido pa asina distribui esaki na e bendedo nan cu lo cuminsa
bende entrante 27 di December te dia 31 di December parti di atardi.