Page 24 - ATA

ORANJESTAD (AAN): Den conferencia di prensa di gobierno, Dialuna, Minister Dangui
Oduber, titular di Turismo, Salud y Deporte, a bolbe trece dilanti e proyecto di Baby
Beach cu el a anuncia algun luna pasa.

Den e bunita proyecto aki ta bay inverti for di e fondonan di Oficina di Turismo (ATA),
unda lo amplia beach, lo mehora e infrastructura y crea espacio pa stacionamento di
auto, lo instala kiosconan, facilidad di baño, y lo bin cu restaurant.

E mandatario a menciona cu e proceso di destaho a cuminza y si tur cos cana manera e
planning pa fin di Augustus lo tin e ground-breaking, mientras tanto e proyecto di hotel
tambe ta canando, y dia 19 di augustus aki e Oficina di Turismo na San Nicolas, lo bira
operacional.

Minister Danki Oduber a splica cu dia 19 di Mei e oficina a wordo inaugura, pero mester
a sigui un proceso, unda a busca un compania cu cera un contrato cu ATA, y na mesun

momento mester a busca empleadonan pa atende e oficina aki.

Ademas lo wordo ofreci tours pa San Nicolas, kiermen e distrito ta hayando atencion cu
e merece. Oduber a señala cu despues cu gobierno a haci e promesa di inverti hopi
placa den San Nicolas, pa crea e movecion turistico pa trece e turistanan di pariba di

brug pabao di brug, e proyecto di Baby Beach ta uno importante den esaki. Lo drecha
Rodgers Beach tambe, ademas di e piers y tur esaki cu fondonan di turismo y asina lo
cumpli cu e promesa haci den campaña.

https://www.diario.aw/2019/08/bunita-proyecto-di-baby-beach-ta-sigui-su-curso/