Page 30 - ATA

Lider Di Fraccion Di AVP, Marlon Sneek – No Ta

Haciendo Esfuerso Pa Reapertura Di Refineria Pero

Partimento Di Bolo A Cuminsa

 Politica
- 06/08/2019

Fraccion di AVP a dirigi varios carta tanto pa Gobierno como pa Parlamento pa haya
informacion riba varios desaroyo cu a bin ta tumando lugar y un di e cartanan aki a bay
pa Prome Minister Evelyn Wever Croes relaciona cu desaroyonan rond di e refineria na
San Nicolas.

Parlamentario Marlon Sneek a mustra cu ta conoci cu Gobierno di MEP semper a traha
pa cera refineria contrario nba loke Gobierno di AVP a haci pa haya tur forma di logra
reapertura di e refineria mirando e balor grandi cu e lo tin den desaroyo economico y
comercial p’e pais.

“AVP a dirigi un carta pa Prome Minister caminda nos ta pidi pa resultado of pa haya
copia di e raport di e investigacion cu Evelyn Wever Croes mes a anuncia cu su Gobierno
lo haci na inicio di e periodo di gobernacion.

Ta trata di un investigacion cu Prome Minister a bisa cu su Gobierno ta bay haci
relaciona cu e contract firma cu e compania CITGO, pero cu te dia di awe, ningun hende
a mira e raport of resultado di e investigacion.