Page 13 - AAA

Ta trahando pa drecha e aparato di midi lama cu ta daña
basta tempo caba

Tuesday, 29 November 2016 22:32
Comparti

Riba e pregunta cuanto tempo pasa a instala e aparatonan di midi lama, Marck Oduber hefe di
METEO a contesta cu esey ta keda cerca di Renaissance

, cual tin un fayo, cu a busca basta largo cu Puerto Rico pa yuda drech'e, pero no a logra. Awor
a paga e compania mes pa bin yuda Meteo instala of pa drecha kico ta pasando. E compania ta
na Aruba actualmente pa yuda Meteo drecha e sistema pa e funciona. Ta jammer cu tin un
sistema caro poni na waf, pero ningun hende no por haya data.
Oduber a splica cu marea di lama ta importante pa midi pa botonan y ta duna indicacion
precies ki ora tin eb y vloet. Tambe e ta midi olanan di lama den vecindario di waf. E
importancia ta grandi y ta midi temperatura di lama. E ta importante pa cambio climatico
pasobra eventualmente ta spera cu e lama ta subi y tambe cu e lama por ta ta tiki mas calor.
Pa por sa, mester midi y pesey tin e aparatonan poni. Si ta midi y no ta haya data, ta mesun leu
b'a keda.
E datonan ta suppose di drenta na Meteo, pero tin un problema grandi cu no por saca afo. A
busca manera pa sak'e via satelite y tampoco no ta bay. Meteo tin casi un aña ta bringando cu
e aparato. Awor e compania mes a bin wak si nan por drecha e problema. E data ta importante
y vooral si cuminsa simula modelonan di scala halto pa lama rond di Aruba, datonan manera
esey ta sumamente importante, Oduber a splica.
Algun aña pasa Gobierno di Aruba a busca e aparato aki.
E mashin banda di Lighthouse tey ainda y ta den funcion. Aruba ta cuidando esaki pasobra e
fondonan di Gobierno Mericano ta caba y e paisnan cu kier mantene mester keda mantene.
Meteo tin acceso na e mashin aki. Solamente e problema ta, cu no ta haya e acceso mesora. E
ta keda core semper un dia laat. E ta drenta den computer y ta cohe for di un database. No tin
un live data, cual ta e unico cos fastioso. E data tey, y ta esey Meteo tin mester, segun Oduber.