Page 24 - MIN VOS_Neat

Tanki Leendert Girls ta Sali riba bon pia derotando Rebels
12-6

Monday, 29 May 2017 13:11
Comparti

Campeonato HEINEKEN di Aruba Softball Bond dedica na dos baluarte Sra. Bertha Wolf Croes y
Eugenio “Tan” Helder a continua den gran forma. Diasabra ultimo riba veldnan na Pos Chiquito
weganan oficial di campeonato Femenino a ranca sali. Den un tremendo partido entre Tanki Leendert
Girls vs Rebels e muchanan di Rubia Ras esta tanki Leendert Girls a sa di seya nan promer victoria.

Francheline Danies ta pone e promer victoria riba su nomber cubriendo 4 inning y recibiendo relevo di
Mildred Kock. Shatienne Kock por mira atrás riba un bon actuación pero ta keda cortico. Tanki Leendert
Girls 12 careda, 6 hit, 2 error. Rebels un equipo cu hopi atletanan hoben di Sanicolas 6 careda, 4 hit, 5
error. Mihor bateadornan pa Tanki Leendert Girls ta Mildred Kock 4-2, Jelitza Ras 3-2 y Jeritza Ras di 2-
1. Pa Rebels a destaca na plato den causa perdi Shadifa Lewis 3-2, Zjaika Kock 3-1 y Dinouska Mauricia
di 1-1. Diahuebs awor 1 di Juni y diabierna 2 di Juni pre selecion di Aruba lo enfrenta College USA
630pm na Pos Chiquito. Diabierna 2 di Juni tambe lo tin un tremendo doublé header den AA unda Royal
Power lo enfrenta Balashi Premuim cuminsando pa 715pm na Flatstone. Weekend tambe lo bay tin
diferente wega. Pues fanaticada di softball jega tereno bin apoya bo equipo preferí. Softball den pleno
desaroyo.