Page 9 - CMB
P. 9
ORANJESTAD (AAN) – E conferencia di e
Sociedad Mericano di Seguridad Industrial, division Caribe Hulandes, a organiza un
conferencia tocante “Safety & Security” cual a tuma lugar Diamars 11 di Juni awor, den
Renaissance Conference Center.
Den entrevista cu sr. Willem Teuben, Presidente di ASIS pa Caribe Hulandes, el a
menciona cu e meta di e conferencia aki ta pa duna informacion tocante e tema di
seguridad riba diferente tereno di seguridad, entre otro, prevencion di crimen,
seguridad pa industria di turismo y tambe den e comunidad, etc.
Tambe un di e obhetivonan ta pa polis y otro cuerponan di seguridad priva uni forza y
traha hunto, pa bay na un nivel mas halto aceptable pa polis y otro forzanan di
seguridad.
Otro meta di ASIS ta pa yuda gobierno local pa traha ley pa regula e trabao di
seguridad pa personanan ta cualifica pa por bira securitynan riba tur nivel. Kiermen,
“education training” ta un di e metanan di ASIS tambe.
Sr. Willem a menciona cu Curacao y Aruba tin mas cu 200 compania di seguridad, pues
den dos pais masha chikito mes, y ta importante pa prome cu un compania wordo lanta
e ta certifica.
Despues di e conferencia lo bin cu analisis y diferente training cu ta cla caba riba tur
nivel, for di un Security Guard cu ta para na porta di un compania te cu mas degree di
Security Manager.
