Page 4 - YMCA 13 MAY 2017

YMCA Aruba lo organisa teleton pa recauda fondo pa
proyectonan social

Friday, 12 May 2017 16:42
Comparti

Durante e lunanan binidero e staf di YMCA Aruba lo ta trahando duro pa recauda fondo pa un meta. E
meta ta pa nan por sigui cu implementacion di nan proyectonan social. YMCA Aruba ta un organisacion
cu ta enfoca ariba e desaroyo di hobennan riba diferente area, entre otro e area intelectual, fisico y
spiritual.

“Nos organisacion no ta uno solamente unda e hobennan y mayornan por drenta y haci uzo di e
facilidad. E ta uno tambe cu ta duna e hobennan un atmosfera di siguridad. Esaki ta percura pa ta un
influencia positivo riba e bienestar y desaroyo di e hobennan”, Director di YMCA Aruba, Rachel Croes, a
remarca. YMCA su deseo ta pa sigui cu e implementacion di nan proyectonan social. Pa por haci esaki,
nan lo ta organisando un teleton cu lo tuma luga dia 1 di Juni na YMCA Dakota. “Primeramente nos ta
gradici cada un persona den comunidad cu a sa di sostene nos organisacion durante e ultimo añanan.
Nos ta invita tambe pueblo Aruba, tur celebridadesnan y donantes pa bin y yuda nos sostene nos
organisacion ariba 1 di juni na YMCA Dakota”, Croes a remarca. Pa YMCA ta importante pa alcansa e
suma di 100 mil florin. “Cu e ayudo di nos comunidad, nos ta spera di yega na e suma akinan”, asina
Croes a remarca. Esunnan cu ta desea di ricibi mas informacion di e teleton, por yama na YMCA Dakota
na telefon 5823072 of por manda un e- mail tambe na ymcaofaruba@gmail.com.

Comentarionan (0)
http://www.24ora.com/index.php?option=com_content&view=article&id=121767:ymca-aruba-lo-
organisa-teleton-pa-recauda-fondo-pa-proyectonan-social&catid=1:local&Itemid=5

Local