Page 44 - MIN ARENDS

Minister Richard Arends a firma e document pa e pago di ex
trahadonan di Setar a wordo encamina

Tuesday, 07 February 2017 23:00
Comparti

Nos a acerca minister Richard Arends riba un noticia hopi positivo caminda cu a logra acomoda
of paga e trahadonan, afvloeiers di Setars. Tabata un caminda largo.

Minister Arends a splica cu dia 31 di Januari 2003, Servicio di Telecomunicacion di Aruba a pasa
over pa Setar NV. Den cuadro di e traspaso ey, na 2002, a firma un statuut sociaal, unda cu e
ex empleadonan di Servicio di Telecomunicacion di Aruba, cual tabata empleadonan publico
por a haci uzo di un afvloeiings regeling ora cu e departamento di gobierno aki a independisa
su mes. Den esaki a yega un acuerdo riba un afvloeings uitkering cu lo ta basa riba un base
salarial. Durante e añanan, ora cu e Afvloeiings regeling a wordo uitgekeerd, a surgi un disputa
entre e ex empleadonan, gobierno y sindicatonan riba e definicion y cual ta e base. Si ta bruto
inkomen, kico ta forma parti di e bruto inkomen. A rais di esey, a cuminsa 13 aña pasa un serie
di pasonan hudicial, corte, veredictonan, veredictonan parcial, caminda cu finalmente aña pasa
un grupo di ex empleado di Setar, hues a dicta na nan fabor, unda cu pais Aruba ta obliga di
paga nan un suma ongeveer di 1.5 miyon di florin pa 32 empleado. E diferencia cu tabata tin
den e diferente definicionnan di kico ta salario bruto, por a varia pa cada empleado. E
sumanan tabata hopi diferente. Algun tabata tin diferencia di 30 mil florin, otronan di 2 mil
florin, etc. E tabata varia pa ex empleadonan. Pero hues a pone un punta tras di e disputa hopi
largo aki cu for di 2003 a cuminsa y caminda cu hues a dicta cu e empleadonan aki tin cu
wordo paga. Tin un otro grupo di empleado, unda cu 60 a wordo representa door di STT y
SEPPA durante tur e procesonan legal aki, sinembargo hues no a dicta explicitamente un
veredicto pa nan. Teoreticamente si e 60 empleadonan aki tambe cuminsa entama un caso
individual mescos cu e 32 empleadonan, mas SEPPA y STT a haci, tambe hues lo dicta na fabor
di nan. Esey prome cu fin di aña prome minister, hunto cu minister de Meza, a tuma e decision
hunto cu SEPPA, cu a base cu loke nan ta yama doortrekking, cu lo keer uit e suma igual na e
demas 60 empleadonan, unda cu hues no a duna explicitamente un veredicto riba nan, pa
asina nan wordo paga. Y di e manera aki, siman pasa diabierna, conseho di minister, a tuma e
decision y a aproba unanimamente e proyecto di ley, cu ta autorisa minister Arends pa haci e
pagonan, loke ta yama un schenking, pa e 60 empleadonan, cu ta un suma di 2.5 miyon di
florin cu ta wordo paga na nan, hunto cu e 30 empladonan cu ya caba cu hues a duna
veredicto riba nan, cu ta 1.5 miyon di florin.