Page 56 - MIN ARENDS

Minister Richard Arends: Reunion cu sindicato SADA a bay
hopi positivo

Wednesday, 08 February 2017 10:20
Comparti

Tin un situacion incomodo cu sindicato SADA, cu ta representa e douaneronan y na
aeropuerto nan tin un preocupacion of problema cu cierto areanan cu a wordo tuma di
parti di gerencia actual di aeropuerto, pa duna servicionan di carrental y segun nan,
nan espacio di trabao a bira chikito. Algun dia pasa tabata tin reunion y despues un
protesta.

A invita Minister Arends di asuntonan di Economia y Comunicacion y e mandatario a
splica cu e reunion cu SADA a bay hopi positivo. E tabata minister di finansas interino e
dia ey. Minister Bermudez a pidie pa e sinta cu e sindicato pa mira kico ta e
preocupacionnan di SADA y e douaneronan. Berdad tabata un reunion di un manera
hopi structural nan a trece nan preocupacionnan y esaki pa su mañan di biaha, ora cu
minister Bermudez tabata bek na Aruba, a sinta hunto cun’e y tambe minister de Meza,
unda cu a palabra di lo a bay sinta cu AAA y esey a sosode diahuebs ultimo, unda cu
minister Arends, hunto cu ministernan Bermudez y de Meza, a sinta cu directiva di
AAA, pa vocifera e preocupacionnan di SADA, pa wak kico por wordo adapta y si por
sinta na mesa un biaha mas cu e sindicato y tambe e bouwcommissie cu minister
Bermudez a instala, pa loke ta trata e localidadnan di Douane. Bouwcommissie tabata
tin 4 tarea. E localidad na aeorpuerto, e verhuizing tambe di e edificio bieu pa e edificio
temporareo, tambe e indeling di e edificio nobo di douane. Ta supone cu awe mañan
minister Bermudez lo hiba un reunion cu bouwcommissie cu lo sinta hunto cu AAA pa
wak unda por acomoda e preocupacionnan di douane na un manera mas eficiente
posibel.

Con ta mir’e

A bin argumentonan cu ta valido. Cada ken ta wak nan for di nan perspectiva. Aeropuerto ta
mira e cambio pa mehora fluho y efectividad di pasaheronan. Den e dianan di mas druk y
oranan mas druk den e sala di yegada di aeropuerto ta hopi druk. Tin biaha e rijnan ta yega te