Page 15 - BNDIA ARUBA

A15
HENDE Diabierna 31 Mei 2019

Scol di Kudawecha a presenta recomendacion di

Conseho di Mucha na AHATA

ORANJESTAD - Na comienso di e aña aki, alumnonan
di klas 6B di Scol Primario Kudawecha a ricibi bishita
di Aruba Hotel & Tourism Association (AHATA) y e
programa ‘Conseho di Mucha’ pa cuminsa cu e proyec-
to unda cu e organisacion ta presenta un dilema na e
alumnonan.

AHATA su dilema tabata; con pa motiva personanan local
hoben pa traha den sector turistico y sostene e pilar di nos
economia. E alumnonan a yega e etapa unda a presenta nan
recomendacionnan sigui pa un sesion di dialogo basa riba nan
investigacion cu nan a haci.

Durante e proyecto alumnonan a bishita diferente stake-
holders den industria di turismo y a ricibi presentacion riba
e topico di e dilema. Meta di e etapa di investigacion tabata
con pa inspira hobennan pa busca un trabou den e industria.
Muchanan di Scol Primario Kudawecha a siña e variedad di
trabounan disponibel den e sector y nan a scucha directa-
mente for di empleadonan y gerencia tocante nan experencia
den e industria y di nan amor pa e trabou.
Despues di a ricibi informacion, e alumnonan a prepara riba
e topico y a finalisa nan recomendacion. E presentacion di e
Conseho di Mucha na AHATA, a tuma luga den e sala di con-
ferencia di La Cabana Beach Resort, cu un dialogo fructifero
y ameno.

CEO di AHATA, Tisa LaSorte a keda impresiona cu e reco-
mendacionnan di alumnonan di Scol Primario Kudawecha pa
resolve e dilemma. ‘A sinti tambe cu alumnonan a haya mas
interes den e industria despues di nan bishitanan. Door di
amplia nan conocemento di e sector turistico y informa nan
di e importancia pa nos economia, alumnonan ta mira opor-
tunidad den turismo’. A base di locual e hobennan a presenta,
AHATA lo haci un evaluacion di e consehonan y lo informa e
Consheo di Mucha cua ideanan lo bay implementa. AHATA
ta felicita e hobennan di klas 6B di Scol Primario Kudawecha
pa e tremendo trabou y presentacion.

Tocante Conseho di Mucha
Na aña 2010 Prinses Laurentien van Oranje a funda De
Missing Chapter Foundation cu ta inclui e programa di Kids
Council. E obhetivo di e fundacion aki ta pa contribui na e
solucion p’e comunidad, pero tambe tuma e perspectiva di
muchanan y adolescente na cuenta. AHATA a bira pionero di
esaki door di traha cu Conseho di Mucha desde October 2015
hunto cu otro partnernan den e sector turistico.