Page 28 - FDLP

Directiva Di Aruba North Little League (ANLL) A Keda

Re-Eligi Y Ta Cla Pa Sigui Traha Engrandeciendo

Deporte Di Baseball Na Aruba

 Deporte
- 21/08/2019

Diasabra ultimo den presencia di managernan di ekiponan di 9 pa 16 aña na edificio di
ATIA, Aruba North Little League (ANLL) a instala su directiva. E votacion a tuma lugar
den un ambiente ameno despues cu a presenta n’e managernan presente e cyclus di e guia
operacional di Little League International pa liganan local y e resumen di PR, Secretario
y Financiero pa temporada 2018/2019.

Ademas a scucha preocupacion y sugerencianan di esnan presente p’asina sigui mehora e
funcionamento di e liga.

Un total di 15 manager a vota y resultadonan tabata como lo siguiente: Sr. Melvin
Quilotte a keda re-eligi como Presidente, Xiomajra Rafael como Vice-President y
miembronan general Lisa Giel, Jo-Anne Croes, Magaly Webb, Raul Gei, Sonaly Croes y
Elston Figaroa. Lo reparti e diferente funcionnan den e siguiente reunion como directiva
di 2019-2021.

Presidente di ANLL, sr. Melvin Quilotte a remarca cu e ta satisfecho cu e trabou di e
team di ANLL cu a logra trece bastante structura n’e liga den e ultimo dos añanan. Cu e