Page 10 - ARUBA AIRLINES

No a re -registra avionnan geground di

InselAir Aruba

Posted on 02/14/2017 10:41 am AST | Updated on 02/14/2017 10:43 am AST

ORANJESTAD - InselAir Aruba no a re registra su avionnan pa InselAir na
Corsou. Por lo menos, no ainda. Asina fuentenan di direccion aviacion civil na
Aruba a sigura NoticiaCla.com diamars. "E no ta cuadra" e fuente a sigui bisa riba
e declaracionan cu ya caba e re registracion ta un hecho. A mustra cu tin
combersacionan sin andando pa esaki sosode. De hecho, a mustra cu no ta algo
straño cu kier haci esaki. Si esaki sosode, ta papiando di posiblemente 2 of 3 di e
7 avionnan di e flota di Aruba. Esey lo yuda InselAir International (Corsou) cu nan
ittinerario. Mientrastanto e fuente a confirma cu e 4 avionnan cu nan a ground,
ainda ta geground y no tin cambio riba esey.

DECLARACION DI CORSOU

Declaracionan di ehecutivonan di InselAir international ta confirma e ponencia di
fuentenan di e portal aki. Entre nan e ehecutivo Juni Sluis a declara na Telenoticia di
Corsou cu e intencion ta pa reregistra algun avion di Aruba y asina haya e flota pa por
efectua buelonan mas miho y asina drecha e imagen di e aeroliña. A sigura cu e ultimo
siman y mey cos tabata bayendo bon te ora cu e avion fokker a daña na Colombia,
dañando henter e situacion atrobe. A confirma mientrastanto tambe cu e wetlease di
varios avionnan di otro compania ta costando e aeroliña un capital. Y como tal kier
deshaci di e situacion ey mas liher cu ta posibel. Sinembargo no por a duna un fecha ki
dia e situacion ta stabilisa, ki dia e avionnan di InselAir ta wordo laga liber y mas.