Page 50 - HOH
P. 50
Urgent Care Arubana Centro Medico Noord, a percura pa pone den funcionamento un
unidad di ecografia di ultimo tecnologia esaki cu finalidad di ofrece un servicio integral,
mas eficiente pa e pashentnan y pa dokternan por jega na un diagnostico oportuno.
E strategia general di servicio di imagenan ta centra den un obhetivo fundamental: duna
e miho atencion posible na e usuarionan den un marco di servicio di calidad y adecua na
e normanan internacional actual. Di e manera aki Urgent Care Aruba ta crea un cultura
di mehoramiento continuo den e maneho di tur su procesonan. Tambe ta sigura cu e
servicio duná na su clientenan ta satisface e requisitonan y expectativanan door di
excelencia continuo.
ACCESIBLE Y OPORTUNO
No mester siman of luna nan pa haci un cita, e pashent por acudi na e centro y riba e
mesun dia e por haya e servicio. Tambe e persona mes por dicidi un ora y dia cu ta cai
conveniente p’e. E departamento ta disponible pa henter comunidad di dialuna pa
diasabra y den caso nan necesario cu mester haci un ecografia e centro lo ta disponible
despues di ora nan di trabao.
E pashent lo haya un reporte medico detaya emiti door di e dokter radioloog unda tin
splicacion di e studio haci.
E prijs di studio aki ta uno hopi accesibel, di e manera aki UCA ta reafirma su
compromiso di servicio pa henter comunidad di Aruba.
