Page 15 - AVP

ORANJESTAD (AAN): Gabinete Wever Croes ta gobernando e pais y Parlamento di
Aruba ta e institucion cu mester controla e maneho di e gobierno aki den nomber di
pueblo pero for di comiensa caba, henter mundo por a mira cu e unico cu ta
controlando maneho di e gobierno actual, ta e propio Conseho di Ministro.

Melvin Tromp, vocero di partido AVP ta mustra cu tur decision cu e fraccionnan di MEP,
POR y RED tuma den Parlamento den e casi dos añanan tras di lomba, ta
decisionnan cu Conseho di Ministro a ordena pa nan worde tuma.

“Durante di reunionnan di Parlamento por scucha varios di e Parlamentarionan cu ta
forma parti di e tres fraccionnan aki cu ta sostene gobierno, bisa cu nan ta
representante di pueblo, cu nan ta den Parlamento pa sirbi interes di pueblo pero ora

cu ‘puntje komt bij paaltje,’ nan ta nada mas y nada menos, algun marioneta cu mester
haci loke nan gobierno dicidi.

E grupo di 12 aki nunca a vocifera nan sosten pa pueblo ora cu nan gobierno a dicidi di

introduci cantidad di medida, cu a bin afecta entrada di pueblo tur caminda y percura
pa un di e inflacionnan mas grandi cu e pais aki a yega di conoce den ultimo tempo.

Nan no a Sali defende pueblo ora cu un Minister ta duna un sponsor di partido un

contrato di huur pa csi 30 mil Florin pa luna mientras cu ainda ningun hende sa kico ta
worde haci pa sirbi interes di pueblo den e edificio aki.

Ningun miembro di e tres fraccionnan aki a lanta para y bisa nan gobierno cu nan no

por sigui castiga pueblo di e forma cu esaki a bin ta tumando luga, mientras cu ta sigui
aumenta gasto di personal y gasto di gobernacion.

Ta tristo cu pueblo tin cu para mira con Ministernan ta ordena nan fraccion den

Parlamento, pa yama un reunion pa duna informacion na Parlamento y riba dje ta e
Minister mes a formula e preguntanan cu su miembronan den Parlamento tin cu haci na
su persona.

Ya caba durante tratamento di e ley di LAft recientemente, a keda demostra cu ta
Ministernan ta dicidi kico nan fraccionnan tin cu haci, con nan tin cu formula un mocion
of un amienda cu mester ta dirigi na gobierno y e consecuencianan tur hende por mira.