Page 28 - AHATA

E mandatario a sigui informa cu despues di esey a manda un carta, unda cu nan ta sostene

e idea cu mester cobra pa maneho di sushi. Pero nan sugerencia awor mas bien ta pa bin

cu un belasting nobo pa comunidad.

Camara di Comercio mester tabata mas cla cu comunidad y bisa cu nan kier pa

comunidad paga, pero nan como comerciante nan no kier pag’e y cu nan kier pa

comunidad paga pa pikimento di dushi via belasting. Como negoshi mester paga e prijs y

un residente ta paga su prijs. Tin un responsabilidad cu bo ta produci sushi na cas, mescos

cu tur famia na Aruba.

Di esun cu ta gana minimum loon, te na esun cu ta paga pensioen, pa esun cu ta gana 20

pa 30 mil florin pa luna, bo tin un responsabilidad pa cumpli cun’e. Y si banda di e

responsabilidad ey bo ta produci sushi, pasobra bo tin un compania na Aruba, esey ta

loke ta bisando, cu e compania tambe mester por paga. Dicon e homber chikito so mester

paga y dicon pueblo mester paga e 25 florin.

Si como compania, un suma chikito di 25 florin pa luna ta imposibilita funcionamento di

negoshi, e ora mester reevalua loke bo ta haciendo, asina Minister Otmar Oduber a bisa

awe. E idea riba su mes ta un idea cu a discuti den e reunion cu Camara di Comercio caba

y e mandatario a splica cu na e momentonan aki, Gobierno no ta bay pone ningun medida

of bin cu algo cu no ta conforme e reforma fiscal na caminda.

Tur hende sa cu Gobierno no ta bay bolbe extende te ora cu e reforma fiscal, si ta fin di

otro aña of cuminsamento di e siguiente. Awor aki tin un acuerdo cu ta bon cla, cu pa dia

1 di Maart, ta cuminsa cu e contribucion na Serlimar.