Page 49 - HOH

Aruba Health Fair ta un feria di salud, cu lo tuma luga dia 8 di juni, for di 4 or di
atardi te cu 10 or di anochi. E ta un dia, unda cu hopi hende tin liber, y lo por
traha tempo pa pasa na Aruba Health Fair. E invitacion ta keda pa comunidad di
Aruba, haci uzo di e oportunidad aki. E ta bay ta na AZV na Rumbastraat, na
Camacuri. Ta bay tin full un area paden di nan edificio, unda cu ta bay encontra
un mainstage, ta bay tin entretenimento den man di D’licious, ‘N Fuzion,
Tsunami. Tambe lo bay tin diferente oradornan cu lo bay presenta.
Ta un dia yena cu presentacionnan di diferente topico. Tur hende ta invita, ya
cu ta importante pa conscientisa bo mes di kico ta e desaroyonan di Aruba su
salud. Y tambe kico ta e plannan pa aki 5 aña. E focus mas grandi di e feria di
salud, ta pa papia di e situacion actual, kico por spera aki 5 aña di AZV, di
hospital, di Centro Medico San NIcolas, dus tur e partnernan den ramo di salud,
dus e ta hopi importante.
Tambe e ticketnan ta obtenibel caba, e ticket ta solamente 5 florin na tur oficina
di AZV. Nna ta habri di 7 or y 30 di mainta te cu 4 or pa publico. Importante ta
pa corda pa registra, dus ta cumpra e ticket y por activa esaki di biaha ariba e
website www.azv.aw y e ora por activa e ticket.
Sra. Tchong a splica cu pa motibo cu na momento cu registra ariba e website,
bo lo participa na premio, pero mas importante, eynan ta haya e chance pa
inscribi pa e workshopnan cu tin disponibel. Tin un total di 12 workshop y cada
workshop tin cupo pa 40 persona. Ta importante pa mas lihe cu registra, mas
garantia tin di bo luga. Y por bisa cu tin un cantidad grandi di topiconan. P.e.
cuido di herida, diabetis, prevencion, ta bay tin asina hopi topico y hasta ta bay
tin workshop di con pa cushina saludabel. Un biaha mas, e ticket ta 5 florin. A
haci’e accesibel pa tur hende por participa.
E programa ta grandi y e ta largo, ta bay tin hopi actividad. Ta importante pa sa
tambe cu tur mucha bou di 16 aña ta gratis. Dus mayornan bo por bin cu bo
yiunan, nos tin actividadnan, tin apoyo di Ibisa y otro federacionnan di deporte
cu lo participa y lo t’ey eynan. Full AZV Camacuri lo wordo transforma den un
feria di salud. Esaki ta e oportunidad pa no solamente AZV yega cerca di e
aseguradonan, pero tambe pa bosonan por conscientisa y educa boso mes
tocante loke ta cuido medico na Aruba y con nos por cuida nos salud.
Riba e website y tambe e app special pa Aruba Health Fair lo tin informacion di
e programa y e workshop cu lo tuma luga y e diferente topiconan. Lo tin amplio
variacion den topiconan. Ta bay tin tambe di AZV mes, presentacionnan.
SI bo kier haya mas di e ley di AZV, kico ta e seguro AZV, ta invitabo pasa 8 di
juni na AZV Camacuri, di 4 or te cu 10 or di anochi.

https://masnoticia.com/preparacionnan-ta-andando-pa-e-health-fair-di-azv-dia-8-di-juni-proximo/