Page 46 - MIN VOS 21 JAN 2017
P. 46
Speelvergunningsrecht y Toeristenheffing
Friday, 20 January 2017 18:32
Comparti
Departamento di Impuesto ta participa na su clientenan di loonbelasting, BBO/BAZV, toeristenheffing,
speelvergunningsrecht, bijzondere belasting verblijf (BBV) y bijzondere belasting op verhuurauto’s en
verhuurmotorfietsen (BBVAM), cu entrante dialuna, dia 23 di januari 2017, por pasa busca e pakete cu ta
contene e formularionan di declaracion pa aña 2017.
Departamento di Impuesto lo bay entrega e paketenan concerni personalmente na e clientenan.
Contenido di e paketenan Pa cada tipo di belasting menciona lo otorga 1 pakete cu ta contene 12
formulario di declaracion. Solamente e paketenan di loonbelasting ta contene 12 formulario di
declaracion hunto cu 1 formulario di ‘Verzamelloonstaat’, 1 formulario di ‘Verzamelstaat opgaaf derden’,
1 Werknemersverklaring, 1 Loonopgaaf y 1 Opgaaf derden. Ki dia y na unda por busca e pakete? Entrante
23 di januari 2017 por busca e paketenan na oficina principal di Departamento di Impuesto na Camacuri,
na e local banda di unda ta busca plach’i number di auto. E orario di servicio ta: 8:00 am – 4:30 pm.
Alabes ta conseha tur cliente pa bin cu e persoonsnummer di e empresa. Esaki ta pa facilita cu e proceso
di entregamento di e pakete na e cliente ta bay mas lihe. E conseheronan lo mester trece un carta di
apoderacion di cada un di nan clientenan na momento di busca e paketenan. Cliente cu no a registra
ainda Pa e clientenan (nobo) cu no a registra ainda sea pa loonbelasting, BBO/BAZV, Toeristenheffing,
Speelvergunningsrecht, BBV y/of BBVAM, ta bay un apelacion pa pasa na oficina di Departamento di
Impuesto mas pronto posibel pa cuminsa cu e proceso di registracion. Departamento di Impuesto ta haci
un apelacion na tur cliente y consehero pa no warda te na ultimo momento, debi cu esaki por trece un
fluho di cliente enorme, cu ta causa cu e tempo di espera ta bira mas largo. E fecha final pa haci e
declaracion y pago di luna di januari 2017 ta 15 di februari 2017.
Comentarionan (0)
http://www.24ora.com/index.php?option=com_content&view=article&id=117856:entrante-dialuna-
por-pasa-busca-e-pakete-2017-di-loonbelasting-bbobazv-bbv-bbvam-speelvergunningsrecht-y-
toeristenheffing&catid=1:local&Itemid=5
