Page 19 - KPA

AWEMainta Diahuebs, 1 December 2016 17

Accidentenan ta debi na falta di respeta reglanan di trafico

HOPI hende ta haya cu pronto Gobierno lo tin cu construi un
rotonde n’e cruzada di Amandelstraat y Guyabastraat, si mira e
cantidad di accidentenan cu ta tumando lugar na dicho cruzada.
Pero no ta debi n’e cruzada, cu tin añas ey nan, pero e hecho cu
tin hopi hende ta tumando e caminda aki como un “shortcut” y
no ta respeta ley di trafico, manera “verkeer van rechts ga voor”.
Diamars mainta, tabatin un accidente cu a spanta masha hende,
debi n’e impacto. T’asina cu for di banda di ex Huis van Bewaring,
tabata bin e reportera di Telearuba, Farrah Boekhoudt, kende ta
bisa cu ora el a yega e cruzada, el a mira ambos banda prome cu a
cruza, pero no a mira ningun trafico.

Pero si tabatin un van grandi cu un velocidad halto, cu tampoco a
slow-down pa mira si tin trafico riba su man drechi.
Tur esaiki a tuma lugar na altura di Toko Dakota. Aki e SUV di
Farrah Boekhoudt a dal den banda di e van, bolter esaki, cu a keda
lastra pa algun meter. Danki Dios no tabatin ningun hende ey
banda, de lo contrario awe lo tin difunto, morto den trafico den
un bario, unda no ta custumbra pa core duro.
E daño material ta considerable, y pa loke ta daño hu-
mano, ambulance a constata cu tabatin
un solo persona herida.