Page 80 - AHATA
P. 80
Tur Aduanero lo ricibi un total di Afl. 175,= na
periodiek y un liña corto di carera
10 HORA PASA , 15 DI SEPTEMBER 2019 11:34
SECCION: POLITICA
Minister di Finansa, Asuntonan Economico y Cultura Ruiz-Maduro:
Tur Aduanero lo ricibi un total di Afl. 175,= na periodiek y un liña corto di carera
ORANJESTAD – Durante conferencia di prensa di Gobierno, Minister Ruiz-Maduro a brinda
informacion tocante e accion di Aduana y e caso sumario cu Gobierno a entama contra di e
Aduaneronan cu e welga cu nan a anuncia den un termino hopi corto.
Accion di SADA y caso sumario di Gobierno
E mandatario a informa cu SADA a informa Gobierno di un rato pa otro cu nan ta bay den welga
door cu Gobierno no ta cumpli cu e convenio firma dia 1 di juli 2017 door di ex minister di
Finansa, sr. Bermudez.
Como cu e accion aki ta trece consecuencia pa economia di Pais Aruba, Gobierno a entama un
caso sumario contra SADA. Na esaki a uni ATIA y Camara di Comercio pa hunto vocifera nan
preocupacion di parti di e comerciantenan.
