Page 2 - LOTTO

Lotto contento di por aporta na e careda di mas grandi y
prestigioso na Aruba, e 57 th Aruba International Boulevard

Race

Friday, 21 April 2017 15:48
Comparti

Aruba International Boulevard Race ta e evento di coremento na pia di mas popular y bieu na Aruba. Un
evento semper teni en coneccion cu e celebracion rond di Dia di Rey esta 27 di april(antes Anja di La
Reina, 30 di april). E anja aki e pretigioso careda aki lo celebra nan di 57 edicion.

Pa varios anja Oranje Vereniging, bou guia di Jos van der Schoot, den felis memoria a host e careda
hunto cu ayudo di e conocido comerciante di Sport Caribe, sr. Harry Jansen kende tabata e iniciador di e
prestigioso Boulevard Loop. E tempo ey e careda tabata tin masha poco participante pero den e ultimo 10
anjanan alrededor di 700 persona ta participa na esaki. Varios coredor femenino y masculino a yega di
triunfa den esaki pa nos menciona un par, Lia Melis, Shariska Winterdaal, Dick Paschier, Willy Willems,
Richard Rodriguez, Ronald Staring, Rudsel Martina y Amadeo Kemper, e dos ultimonan di Corsow. Den
2016, un total di 630 participante a competi den e careda aki cu tin un recorido di 10km y ta inicia na
Malmok y caba na Aruba Port Authority. Tabata tin coredornan di Corsow, Merca, Venezuela, Suecia y
mas cu claro Aruba. E di 57 edicion di e Boulevard Race lo ta diahuebs 27 di april proximo cuminsando
pa 5.30 di atardi. E aña aki e organisacion lo ta pa prome biaha den man di Aruba Triathlon Association
despues cu pa hopi aña esnan di Aruwac a organisa esaki. Un danki sigur na Lotto, e Loteria di Aruba pa
medio di Comision di Subsidio cu a yuda subsidia e di 57 edicion di Aruba International Boulevard Race
organisa pa Aruba Triathlon Association. Cumprando weganan di Lotto, e Loteria di Aruba bo ta
contribui na deporte riba nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di donacionnan na e Comision di
Subsidio.